ဘွဲ့လာမယူနိုင်တဲ့ ကင်ဆာဝေဒနာရှင် ကျောင်းသူကို ဆေးရုံမှာ ပါမောက္ခကိုယ်တိုင် ဘွဲ့လာပေး

Asama ဆိုတဲ့ အသက် ၂၄နှစ်အရွယ် ထိုင်းကျောင်းသူ တယောက်ဟာ ချူလာလောင်ကွမ်းတက္ကသိုလ်မှာ တက္ကသိုလ်တက်ရောက် အောင်မြင်ပြီးစီးခဲ့ပါတယ်။ ဒါပေမယ့် ဘွဲ့ပေးတဲ့ အခါမှာတော့ တက်ရောက်ယူနိုင်ခြင်း မရှိပါဘူး။ ချူလာလောင်ကွမ်းတက္ကသိုလ်မှာ ဘွဲ့ပေးပွဲအခမ်းအနားကို ထိုင်းဘုရင့်သမီးတော် တော်ဝင်မင်းသမီး သီရိဒုံ Princess Maha Chakri Sirindhorn ကိုယ်တိုင် ကြီးမှူး ကျင်းပခဲ့တာဖြစ်ပါတယ်။

Asama ဟာ ဒီပွဲကို တက်ရောက်နိုင်ခဲ့ခြင်း မရှိတာကတော့ သူမဟာ ကျောက်ကပ်ကင်ဆာကို ခံစားနေရပြီး နောက်ဆုံးအချိန်ရောက်ရှိနေပြီဖြစ်ကာ ဆးရုံတက်နေရပြီဖြစ်လို့ပါ။ အခမ်းအနားနဲ့ လွဲချော်ခဲ့တာကြောင့် သူမ အနေနဲ့ ဘွဲ့ကို ဘယ်တော့မှ မယူနိုင်တော့ဘူးလို့ ထင်မှတ်ကာ ရောဂါဝေဒနာခံစားရင်း တဖက်က ဝမ်းနည်းနေခဲ့ရပါတယ်။ သမီးဖြစ်သူကို မကြည့်ရက်တဲ့ မိဘတွေဟာ တက္ကသိုလ်ကို စာတစောင်ရေးပို့ခဲ့ပါတယ်။

စာထဲမှာတော့ သမီးဖြစ်သူဟာ အလွန်နာမကျန်းဖြစ်နေခဲ့တာကြောင့် ဘွဲ့နှင်းသဘင်အခမ်းအနားနဲ့ လွဲချော်ခဲ့ရတာကြောင်း ၊ သူမ အနေနဲ့ ဒီဘွဲ့ကို အလွန် လိုချင်ခဲ့ကြောင်း တခုခုစဉ်းစားပေးဖို့ ပါရှိပါတယ်။ မိဘတွေအနေနဲ့လည်း သမီးဖြစ်သူကြောင့်သာ စာရေး ပို့ခဲ့ရပေမယ့် သမီးတယောက်တည်းအတွက် ဘွဲ့အခမ်းအနားကျင်းပပေးဖို့နဲ့ ကိုဗစ်ကာလအတွင်းဖြစ်နေတာကြောင့် ဖြစ်လာစရာအကြောင်းမရှိဘူးလို့ ထင်မှတ်ခဲ့ကြပါတယ်။

ဒီစာဟာ တက္ကသိုလ်ကနေ တဆင့် မင်းသမီး သီရိဒုံ ထံရောက်ရှိသွားခဲ့ပါတယ်။ သဘောထားကြီးတဲ့ မင်းသမီးဟာ တက္ကသိုလ်ကျောင်းအုပ်ကြီး Bundhit Eua-arporn နဲ့ ညှိနှိုင်းကာ Asama ကို ဘွဲ့ပေးနိုင်ဖို့ စီစဉ်ခဲ့ပါတယ်။ ပြင်ဆင်ခြင်းအခမ်းအနားကို Muang ရပ်ကွက်က သူမအိမ်တော်မှာပဲ ကျင်းပစီစဉ်စေခဲ့ပါတယ်။ အစီအစဉ် အဆင်သင့်ဖြစ်တဲ့အခါ သူမကိုယ်စား ကျောင်းအုပ်ကြီး နဲ့ အဖွဲ့ကို ဆေးရုံကို စေလွှတ်ခဲ့ပါတယ်။

ကျောင်းအုပ်ကြီး နဲ့ အဖွဲ့ဟာ ပြီးခဲ့တဲ့ စနေနေ့မှာ Abhaibhubejhr ဆေးရုံကို ရောက်ရှိခဲ့ပြီး ဘွဲ့အခမ်းအနားကို စတင်ခဲ့ပါတယ်။ Asama ရဲ့ အခန်းထဲကို ဝင်လာခဲ့ချိန်မှာတော့ မိဘတွေသာ မက ဝေဒနာရှင် ကျောင်းသူ ကိုယ်တိုင် အလွန်အံသြဝမ်းသာခဲ့ပါတယ်။ သူမတို့ ဘယ်လိုမှ မျှော်လင့်မထားတဲ့ အရာဟာ တကယ်ဖြစ်လာခဲ့လို့ပါ။ ကျောင်းသူဟာ ဝမ်းသာ ရှော့ခ်ရပြီး သတိလွတ်သွားကာ နှလုံးပါရပ်သွားခဲ့တာကြောင့် CPR နဲ့ အရေးပေါ် ပြုစုခဲ့ရပါသေးတယ်။ (CPR ဆိုတာ Cardio-Pulmonary Resuscitation နှလုံး-အဆုတ်ပြန်လည်အလုပ်လုပ်စေရန် အရေးပေါ်ပြုစုပေးနည်း ဖြစ်တယ်။)

အဲဒီနောက်တော့ တက္ကသိုလ်ကျောင်းအုပ်ကြီး နဲ့အဖွဲ့ ၊ ဆရာဝန်များ ၊ သူနာပြုများဟာ ကျောင်းသူ Asama အား ဘွဲ့ပေးခြင်း အစီအစဉ်ကို အောင်မြင်စွာကျင်းပနိုင်ခဲ့ကြပါတယ်။ Asama ကတော့ အိပ်ယာထက်မှာ လဲနေရင်းနဲ့ပဲ သူမရဲ့ဘွဲ့ ကို ခက်ခက်ခဲခဲ လက်ခံခဲ့ရပါတယ်။ ဝေဒနာခံစားနေရပေမယ့် သူမအတွက် အလွန်ကြည်နူးဝမ်းသာဖို့ ကောင်းတဲ့ အခိုက်အတန့်ဖြစ်ပါတယ်။

“ဒီနေ့မှာ ကျွန်တော်တို့ရဲ့သမီးအတွက် သီးသန့်ဘွဲ့လာပေးခဲ့တယ် ဆိုတာကို အခုထိတောင် မယုံကြည်နိုင်သေးပါဘူး” လို့ မိဘတွေက ဆိုပါတယ်။ မိဘတွေဟာ သမီးဖြစ်သူရဲ့ ဆန္ဒကို ဖြည့်ဆည်းပေးလိုက်နိုင်တဲ့အတွက် အလွန်ဝမ်းသာနေပြီး ကျောင်းအုပ်ကြီး နဲ့ အဖွဲ့ကို အလွန်ကျေးဇူးတင်နေကြပါတယ်။ အထူးသဖြင့် ဒီပွဲကို သီးသန့်စီစဉ်စေခဲ့တဲ့ မင်းသမီး သီရိဒုံကိုပါ။ ဒီဖြစ်ရပ်ဟာ ထိုင်း လူမှုကွန်ယက်ပေါ်မှာ အလွန်ရေပန်းစားနေတဲ့ သတင်းတခုလည်းဖြစ်ပါတယ်။

Credit – သုတဇုန်

itpoekar,co.th

Leave a Reply

Your email address will not be published. Required fields are marked *